МІНСК, 5 вер – Sputnik. Стараверскія абразы з Веткаўскага музея стараверства і беларускіх традыцый імя Шклярава выстаўлены ў Нацыянальным мастацкім музеі Беларусі, перадае Sputnik.
Адкрыццё экспазіцыі прайшло ў Мінску ў чацвер, 5 верасня.
Акрамя ікон на выставе дэманструюцца даматканыя палотны, узорыстыя шалі, куфры і іншыя прадметы побыту старавераў.
Намеснік дырэктара Веткаўскага музея Галіна Нячаева
© Sputnik / Тамара Беляева
Аўтарам канцэпцыі экспазіцыі з’яўляецца намеснік дырэктара Веткаўскага музея мастацтвазнаўца, заслужаны дзеяч мастацтваў Беларусі Галіна Нячаева, якая працуе ў музеі ўжо больш за 30 гадоў.
"На выставе прадстаўлены больш як 40 стараверскіх абразоў, стараверскія крыжы, ліццё, прадметы дэкаратыўна-прыкладнога мастацтва, якія раскрываюць тэму выставы – вобраз Спаса Нерукатворнага", - расказала куратар выставы, загадчыца аддзела старажытнабеларускага мастацтва Нацыянальнага мастацкага музея Беларусі Алена Карпенка.
Паводле яе слоў, Спас Нерукатворны можна лічыць першым партрэтам Хрыста. Асаблівае развіццё вобраз Спаса на Хусце змяшчаўся на дамавых іканастасах у стараверскіх цэрквах Веткі.
Веткаўскія іконы незвычайна дэкаратыўныя, яны яркія, прыгожыя, практычна ўсе пазалочаныя, чаканыя, адзначыла куратар выставы.
На экспазіцыі таксама прадстаўлены сапраўдныя хусткі – убрусы, якія насілі стараверскія жанчыны. На ўбрусах багатыя раслінна-кветкавыя ўзоры, якія адбіліся ў іканапіснай традыцыі веткаўскай школы.
© Sputnik / Тамара Беляева
Як перадае карэспандэнт Sputnik, на адкрыццё выставы веткаўскіх абразоў прыйшла вялікая колькасць наведвальнікаў.
Адкрываючы выставу, Алена Карпенка адзначыла, што мінская публіка вельмі любіць веткаўскае стараверскае мастацтва.
"У нас заўсёды пытаюцца, калі зноў будзе выстава з Веткі", - сказала яна.
Каля двух гадоў таму ў Нацыянальным мастацкім музеі выстаўляліся "агністыя веткаўскія іконы".
Больш падрабязна пра тое, якім абразом ніколі не благаслаўлялі нявест і якое дачыненне Чырвоны конь Пятрова-Водкіна мае да веткаўскіх ікон, чытайце ў рэпартажы Sputnik.
Выстава "Іконы Веткі. Спас Нерукатворны…" прадоўжыцца ў Нацыянальным мастацкім музеі Беларусі да 27 кастрычніка.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"