МІНСК, 9 вер – Sputnik. Прэзідэнт Беларусі Аляксандр Лукашэнка ў панядзелак сустрэўся ў Палацы Незалежнасці з міністрам грамадскай бяспекі В’етнама Лыонг Там Куангом.
"Што датычыцца развіцця міжнародных адносін, то ў нас і ў В’етнама погляды падобныя: мы за шматпалярны свет. І хочам мы гэтага ці не, шматпалярны свет адбудзецца", - цытуе кіраўніка дзяржавы яго прэс-служба.
Паводле яго слоў, зараз ва ўсім свеце на першае месца выходзяць пытанні бяспекі, таму што абстаноўка моцна і хутка змяняецца.
Беларускі лідар звярнуў увагу, што з В’етнамам у рэспублікі склаліся цёплыя і сяброўскія адносіны, якія грунтуюцца на гісторыі барацьбы за незалежнасць в'етнамцаў пасля Другой сусветнай вайны.
Лукашэнка нагадаў, што спецыялісты рэспублікі тады дапамагалі аднаўляць эканоміку В’етнама. У Беларусі гатовы і ў далейшым развіваць адносіны.
У сваю чаргу Лыонг Там Куанг выказаў упэўненасць, што дружалюбныя адносіны паміж дзвюма дзяржавамі будуць паглыбляцца.
Міністр грамадскай бяспекі назваў свой візіт у Мінск значным, бо ён стане стымулам для развіцця супрацоўніцтва з МУС рэспублікі.
У жніўні бягучага года Лукашэнка, віншуючы новага прэзідэнта В’етнама То Лама з выбраннем на пасаду, выказаў надзею на рэалізацыю дасягнутых дамоўленасцей і вызначэнне новых перспектыўных напрамкаў двухбаковага супрацоўніцтва ў самых розных галінах.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"