МІНСК, 9 вер – Sputnik. Беларуская тэнісістка Арына Сабаленка, нягледзячы на перамогу ў US Open, засталася на другім радку ў рэйтынгу Жаночай тэніснай асацыяцыі (WTA), сведчаць звесткі на афіцыйным сайце арганізацыі.
Цяпер у другой ракеткі свету на рахунку 8 716 ачкоў, у той час як у лідара рэйтынгу польскай спартсменкі Ігі Свёнтэк 10 885 балаў.
Вікторыя Азаранка ўзнялася ў рэйтынгу лепшых тэнісістак планеты на адну пазіцыю, зараз яна 19-м месцы, у яе 2 326 заробленых ачкоў.
Аляксандра Сасновіч у абноўленым рэйтынгу таксама ўзнялася на чатыры радкі да 103-га месца ў спіску лепшых тэнісістак планеты.
Алена Фалей размясцілася ў рэйтынгу на 207 радку і ў яе мінус адразу 18 пазіцый. А Ірына Шымановіч зноў узнялася на адну пазіцыю да 212-га месца.
Першая дзесятка рэйтынгу
У першую дзесятку рэйтынгу на дадзены момант таксама ўваходзяць Джэсіка Пегула, Алена Рыбакіна, Жасмін Пааліні, Коры Гаўф, Цыньвэнь Чжэн, Эма Навара, Барбара Крэйчыкава і Марыя Сакары.
Лідзіруе ў рэйтынгу, як і раней, прадстаўніца Польшчы Іга Свёнтэк.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"