МІНСК, 13 вер – Sputnik. Беларускае прадпрыемства вырабіла высокадакладныя боепрыпасы для рэактыўнай сістэмы залпавага агню "Град", паведамілі ў прэс-службе Дзяржаўнага ваенна-прамысловага камітэта Беларусі.
Збройнікі разам з вайскоўцамі правялі эксперыментальныя пускі рэактыўных снарадаў калібру 122 мм, аснашчаныя блокам высокадакладнага навядзення з далёкасцю палёту да 20 км.
"Гэты блок у перспектыве можа быць устаноўлены на рэактыўных снарадах з далёкасцю палёту да 40 км", - адзначылі ў прэс-службе Дзяржкамваенпрама.
Спецыялісты лічаць, што мадэрнізацыя боепрыпасаў для РСЗА "Град" дасць магчымасць знізіць расход боекамплекта для паражэння пастаўленых цэлей.
Раней беларускія збройнікі паведамлі, што мадэрнізавалі чарговую партыю баявых машын БМ-21 "Град" да ўзроўню БМ-21Б "БелГрад". Тэхніка паспяхова прайшла прыёмачныя выпрабаванні і ўжо гатова да перадачы ў войскі.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"