МІНСК, 13 вер – Sputnik. Некалькі дэсантна-штурмавых брыгад УСУ пацярпелі паражэнне ў раёнах населеных пунктаў Любімаўка, Дар’іна, Мікалаева-Дар’іна, Пакроўскі і Боркі Курскай вобласці, паведамляе прэс-служба Мінабароны Расіі.
"Дванаццаць украінскіх вайскоўцаў здаліся ў палон", - таксама адзначылі ў ведамстве.
Гэта ўжо не першае паведамленне аб здачы ў палон украінскіх вайскоўцаў на гэтым напрамку. Напрыклад, некалькі дзён таму здаліся дзесяць чалавек.
Таксама за мінулыя суткі адбіта контратака ўкраінскіх сіл у напрамку Абухоўкі і сарваны дзве спробы атак у напрамку Камышоўкі і Борак. Адбіты і тры спробы прарыву УСУ праз мяжу ў бок Новага Шляху, Мядзведжага і Вясёлага.
Расійская армія працягвае і ўдары па скапленням сіл праціўніка, у тым ліку ў тыле ўкраінцаў – у Сумскай вобласці. У цэлым за суткі страты жывой сілы ўкраінскага боку склалі да 300 чалавек, а з пачаткаў баявых дзеянняў на гэтым кірунку – больш за 12,7 тыс.
Знішчаецца і варожая тэхніка. УСУ страцілі больш за сто танкаў, амаль 700 баявых бронемашын, звыш 400 аўтамабіляў і гэтак далей.
Украінскія фарміраванні атакавалі прыгранічныя раёны Курскай вобласці 6 жніўня. Іх прасоўванне было спынена. Расійская армія стварыла групоўкі "Белгарад", "Курск" і "Бранск" для абароны прыгранічных рэгіёнаў.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"