МІНСК, 15 вер – Sputnik. "Першы інфармацыйны" тэлеканал будзе выходзіць на пятай кнопцы, паведамілі ў эфіры тэлеканала "Беларусь 1".
"Урад Беларусі падпісаў пастанову аб уключэнні канала ў абавязковы агульнадаступны пакет", - распавялі ў тэлевізійным сюжэце.
У эфіры нагадалі, што поўнасцю тэлеканал навін пачне сваё вяшчанне 17 верасня. Старт працы тэлеканала прымеркавалі да дзяржаўнага свята – Дня народнага адзінства.
"Першы інфармацыйны" будзе працаваць у кругласутачным рэжыме.
Раней кіраўнік Белтэлерадыёкампаніі Іван Эйсмант назваў падарункам для ўсёй краіны пачатак працы новага тэлевізійнага канала, які будзе поўнасцю каналам навін.
У канцы жніўня медыяменеджар прысутнічаў на нарадзе ў кіраўніка дзяржавы ў Палацы Незалежнасці, дзе расказаў аб прынцыпах работы новага тэлеканала.
Беларускі лідар Аляксандр Лукашэнка станоўча ацаніў, што тэлеканал запускаецца ўласнымі сіламі без прыцягнення замежных спецыялістаў.
"Але я, як і вы, вельмі хвалююся за тое, як людзі ўспрымуць усё гэта", - асабліва адзначыў беларускі лідар.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"