МІНСК, 18 вер – Sputnik. Пляцоўкі Meta* нельга было пускаць у Расію, таму што гэта "левая пятка задняй нагі амерыканскіх спецслужбаў", заявіла галоўны рэдактар міжнароднай медыягрупы "Россия сегодня" Маргарыта Сіманьян у інтэрв’ю "Известиям".
"Ну, зачынілі нам чарговыя дзверцы – знойдзем іншыя. Акенца знойдзем, фортачку, шчыліну ў падлозе. Працаваць мы ўсё роўна будзем", - таксама запэўніла Сіманьян.
Раней Meta* заблакіравала на сваіх пляцоўках усе акаунты медыягрупы "России сегодня" (у тым ліку розных рэдакцый Sputnik) і тэлеканала RT. Абгрунтаванне для такіх дзеянняў – санкцыі ЗША супраць Расіі.
На днях амерыканскія ўлады ўвялі санкцыі ў адносінах да гендырэктара "России сегодня" Дзмітрыя Кісялёва, галоўрэда Маргарыты Сіманьян, а таксама на яе намеснікаў – Антона Анісімава і Лізавету Бродскую. Пад рэстрыкцыі папалі і шэраг супрацоўнікаў RT.
На дзеянні Meta* ужо негатыўна адазваўся прэс-сакратар прэзідэнта Расіі Дзмітрый Пяскоў, назваўшы іх адкрытай дыскрэдытацыяй.
"Мы надзвычайна негатыўна да гэтага ставімся, і гэта, вядома, ускладняе перспектывы нармалізацыі нашых адносін з Meta*", - сказаў ён.
*Карпарацыя, якая валодае платформамі Facebook, Instagram, WhatsApp і прызнаная ў Расіі экстрэмісцкай
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"