МІНСК, 20 вер – Sputnik. Прасцей за ўсё працаваць у навінавым Telegram-канале, калі інфармацыі вельмі шмат, заявіў шэф-рэдактар Telegram-канала РІА Навіны Аляксей Гаўрылка падчас асветніцкага модуля SputnikPro у мультымедыйным прэс-цэнтры Sputnik Беларусь.
Гаворка ідзе пра тыя дні, калі адбываюцца вельмі заўважныя падзеі. Гаўрылка падкрэсліў, што цяжкасці пачынаюцца, калі надыходзяць звычайныя руцінныя будні.
"Ваша галоўная задача (у звычайныя будні - Sputnik) – гэта наадварот, ужо прыдумляць самім нагоды, шукаць і гэтак далей. І калі паспрабаваць вылучаць нейкія асноўныя прынцыпы, якія прыносяць дзякуючы нашаму вопыту поспех у навінавым сегменце Telegram, то першым і самым галоўным тут будзе эксклюзіўнасць", - адзначыў шэф-рэдактар.
Ён канстатаваў, што агенцтва РІА Навіны – адно з самых буйных навінавых агенцтваў.
"Людзі, якія працуюць у агенцтве, сапраўды ўмеюць рабіць навіны. Яны ўмеюць знаходзіць інфармацыю. Яны ўмеюць здабываць яе практычна ў любой сітуацыі і абсалютна з любой нагоды", - падкрэсліў Аляксей Гаўрылка.
Выбар і эксклюзіў
У той жа час важна выбраць з патоку заметак на стужцы тое, што неабходна паставіць у Telegram-канал. Шэф-рэдактар прывёў прыклад аднаго з самых чытабельных пастоў за апошні час. Напрыклад, гэта каментарый муфтыя наконт узяцця заложнікаў у калоніі пад Валгаградам.
"Атрымалася так, што ён максімальна апынуўся ў тэму, гэта значыць ён зайшоў… Каментарый, праўда, атрымаўся разрыўны", - сказаў Гаўрылка.
Іншыя папулярныя пасты – гэта таксама эксклюзіўная інфармацыя, якую здабылі карэспандэнты, асабліва ваенкоры.
"Яны часам аказваюцца ў тых месцах, дзе акрамя іх проста нікога няма. І таму атрымліваецца эксклюзіўнасць… Гэта адказвае… чытачу на пытанне, чаму ён павінен чытаць менавіта вас, а не каго іншага", - лічыць рэдактар Telegram-канала.
Аляксей Гаўрылка праводзіць у Мінску на пляцоўцы Sputnik майстар-клас "Навінавы Telegram-канал у сучасных умовах: як быць больш дакладней, аператыўней і цікавей за канкурэнтаў".
SputnikPro – міжнародны асветніцкі праект у галіне медыя, ініцыяваны агенцтвам Sputnik. Гэта сістэма ўнікальных семінараў, лекцый і майстар-класаў лепшых расійскіх і замежных медыяменеджараў, экспертаў і вядучых спецыялістаў агенцтва для журналістаў, прэс-сакратароў, блогераў і студэнтаў старэйшых курсаў профільных аддзяленняў ВНУ.
Навучальныя модулі SputnikPro прайшлі ўжо ў 24 краінах: ад Арменіі да Індыі, ад Грэцыі да Кітая. Усяго з сакавіка 2018 года ў праекце прынялі ўдзел больш за 10 тысяч чалавек з 80 краін.
Sputnik – міжнароднае інфармацыйнае агенцтва і радыё, частка медыягрупы "Россия сегодня". Sputnik аб’ядноўвае інтэрнэт-сайты на дзесятках моў, аналагавае і лічбавае радыёвяшчанне і стужкі навін на англійскай, арабскай, іспанскай, кітайскай мовах і фарсі. Аўдыторыя інфармацыйных рэсурсаў Sputnik складае каля 21 млн наведвальнікаў у месяц, агульная колькасць падпісчыкаў у сацсетках перавышае 26 млн. Галаўны офіс Sputnik знаходзіцца ў Маскве.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"