МІНСК, 24 вер – Sputnik. У мінскім Доме Масквы адкрылася выстава, прысвечаная 80-годдзю вызвалення Крыма ад нямецка-фашысцкіх захопнікаў, перадае карэспандэнт Sputnik.
Экспазіцыя ўключае некалькі дзесяткаў інфармацыйных стэндаў аб вызваленні Сімферопаля, Ялты, Алушты, Херсона, Севастопаля, Еўпаторыі, Феадосіі, Джанкоя і іншых крымскіх гарадоў. Акрамя таго, на выставе прадстаўлены і сучасныя фатаграфіі паўвострава.
© Sputnik / Станислав Лобатый
Кіраўнік прадстаўніцтва Рассупрацоўніцтва ў Беларусі Юрый Макушын адзначыў, што ў вызваленні Крыма ўдзельнічала шмат беларусаў, а Беларусь у сваю чаргу вызвалялі многія ўраджэнцы паўвострава.
"І гэта адзінства нашых народаў, брацтва і сумесная цяжкая воінская праца садзейнічалі нашай перамозе і далейшаму аднаўленню нашых краін", - сказаў дыпламат.
Першы намеснік пастаяннага прадстаўніка Рэспублікі Крым пры прэзідэнце Расіі Міхаіл Саломенцаў нагадаў, што ў мінулым годзе адзначалася 240 гадоў выдання Кацярынай II маніфеста аб далучэнні Крымскага паўвострава, Тамані і Кубані да Расійскай Імперыі. А ў сакавіку 2024-га – 10-годдзе ўз’яднання Крыма з Расіяй.
"Мы ніколі не сумняваліся, што Крым заўсёды быў тэрыторыяй Расіі, быў цэнтрам ідэалогіі рускага свету і з’яўляецца такім і зараз", - падкрэсліў Саломенцаў.
Пасля чаго зачытаў прывітанне кіраўніка Крыма Сяргея Аксёнава, адрасаванае ўдзельнікам і гасцям Дзён Рэспублікі Крым у Беларусі.
© Sputnik / Станислав Лобатый
"Крымскі паўвостраў мае багатую гісторыю адносін з Беларуссю. Устойлівыя эканамічныя сувязі прасочваюцца ўжо з 18 стагоддзя, калі першыя тавары з беларускіх зямель пачалі з’яўляцца ў Крыме. Сёння мы адчуваем цёплае, сяброўскае стаўленне да расійскага Крыма жыхароў Рэспублікі Беларусь", - гаворыцца ў тэлеграме.
Аксёнаў таксама адзначыў, што зараз Крым вядзе актыўную працу па наладжванні сувязей з Беларуссю на розных узроўнях. Так, напрыклад, падпісана пагадненне аб супрацоўніцтве з Віцебскім абласным выканаўчым камітэтам.
"Відавочна, што традыцыйнае цеснае ўзаемадзеянне паміж нашымі рэгіёнамі набірае яшчэ большыя абароты. Гэтыя поспехі ва ўмовах знешняга беспрэцэдэнтнага санкцыйнага націску з боку калектыўнага Захаду яшчэ раз падкрэсліваюць узаемавыгадныя грані адзінства двух брацкіх народаў, якія маюць шматвяковыя сувязі, агульную гісторыю, адзіныя духоўныя і маральныя традыцыйныя каштоўнасці", - дадаў кіраўнік Крыма.
© Sputnik / Станислав Лобатый
Мерапрыемствы, прысвечаныя Дням Крыма ў Беларусі, суправаджаюцца вялікай канцэртнай праграмай. Яны ўжо адбыліся ў Віцебску і зараз праходзяць у Мінску. Пасля гэтага маштабны форум прыме Брэст.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"