МІНСК, 24 вер – Sputnik. Расія заклікае неадкладна спыніць баявыя дзеянні на Блізкім Усходзе, заявіла афіцыйны прадстаўнік МЗС РФ Марыя Захарава, яе адпаведны каментарый размешчаны на сайце ведамства.
Палітык звярнула ўвагу на тое, што Масква асуджае ваенныя нападзенні на Ліван.
"Асабліва хацелі б падкрэсліць нашу прынцыповую пазіцыю аб катэгарычнай недапушчальнасці невыбарчых атак, ахвярамі якіх становяцца грамадзянскія асобы", - сказала яна.
Афіцыйны прадстаўнік МЗС РФ указала на неабходнасць у тэрміновым парадку спыніць раскручванне спіралі гвалту да таго моманту, пакуль сітуацыя цалкам не выйшла з-пад кантролю.
"Заклікаем да неадкладнага спынення баявых дзеянняў, што прадухіліла б далейшае кровапраліцце і стварыла ўмовы для пераводу сітуацыі ў ручво палітыка-дыпламатычнага ўрэгулявання. Трэба зрабіць усё магчымае, каб не дапусціць апускання Блізкага Усходу ў поўнамаштабны ўзброены канфлікт, разбуральныя наступствы якога непазбежна закрануць усіх – як у рэгіёне, так і за яго межамі", - заявіла палітык.
Яна таксама сказала, што Расія гатова да каардынацыі з партнёрамі ў мэтах прадухілення абвастрэння сітуацыі. На думку афіцыйнага прадстаўніка расійскага знешнепалітычнага ведамства, бяспека аднаго рэгіёна або дзяржавы не можа і не павінна гарантавацца за кошт іншых.
Разам з тым, нагадала Захарава, расійскім грамадзянам не рэкамендавана ў бліжэйшы час наведваць Ліван, а тым, хто цяпер знаходзіцца ў краіне, неабходна быць вельмі асцярожнымі і прытрымлівацца інструкцый мясцовых улад.
Канфлікт Ізраіля і Лівана
Чарговая эскалацыя з боку Ізраіля і Лівана адбылася пасля 17 і 18 верасня, калі ў розных раёнах Лівана пачалі ўзрывацца сродкі сувязі. Вырасла і інтэнсіўнасць узаемных абстрэлаў.
Пасля, авіяцыя Ізраіля ўдарыла па жылым доме ў паўднёвым прыгарадзе Бейрута, у выніку загінулі звыш 50 чалавек, уключаючы камандуючага сіламі спецаперацый "Хезбалах" Ібрагіма Акіля.
Байцы шыіцкага супраціўлення ў адказ атакавалі базу ВПС Ізраіля Рамат-Давід і ваенна-прамысловы комплекс "Рафаэль" на поўначы Хайфы.
А з раніцы панядзелка авіяцыя Ізраіля нанесла масіраваныя ўдары па паселішчах на поўдні і ўсходзе Лівана, пад атаку трапілі дзесяткі вёсак і шэраг абласных населеных пунктаў. Ёсць параненыя сярод мірнага насельніцтва. Рух "Хезбалах" у сваю чаргу выпусціў дзесяткі ракет у бок поўначы Ізраіля. Урад Лівана ўжо звярнуўся з заклікам да ААН умяшацца і спыніць ізраільскую агрэсію.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"