МІНСК, 25 вер – Sputnik. Беларускі парламент прапануе разам з Расіяй стварыць камісію па расследаванні злачынстваў Кіева, паведаміў дэпутат Палаты прадстаўнікоў Нацыянальнага сходу Алег Гайдукевіч.
Паводле слоў дэпутата, пытанне аб стварэнні камісіі можа быць узнята ўжо на бліжэйшым пасяджэнні парламенцкага сходу Саюзнай дзяржавы.
"Можна стварыць камісію паміж беларускім і расійскім парламентамі. Мы абавязкова гэта абмяркуем з расійскімі калегамі на бліжэйшым пасяджэнні парламенцкага сходу (Саюзнай дзяржавы - Sputnik). Тым больш мы аб гэтым ужо гаварылі, і работа ў гэтым напрамку ідзе", - заявіў ён".
Гайдукевіч удакладніў, што Мінск і Масква ўжо разам фіксуюць злачынствы, правапарушэнні і парушэнне міжнароднага права. І сумесная праца працягнецца.
Расійскі бок гэтую ініцыятыву падтрымлівае.
Старшыня камітэта Дзярждумы па справах СНД, еўразійскай інтэграцыі і сувязях з суайчыннікамі Леанід Калашнікаў таксама лічыць, што такую камісію трэба стварыць.
"Чым больш такіх ініцыятыў будзе з боку ў тым ліку нашых прамых саюзнікаў і іншых дзяржаў, тым больш усе ўбачаць, што ж на самай справе адбываецца", - сказаў ён.
Па даных Калашнікава, ёсць канкрэтныя выпадкі, калі людзі зніклі, напрыклад, у Суджанскім раёне Курскай вобласці пасля атакі УСУ. Акрамя таго, на тэрыторыі Украіны пацярпелі некаторыя грамадскія дзеячы.
Трыбунал па Украіне
Разам з тым беларускі бок падтрымлівае і ініцыятыву фарміравання вялікага трыбунала па Украіне.
На думку дэпутата Гайдукевіча, трыбунал павінен быць не толькі ў дачыненні да ўкраінскіх злачынцаў, але і да польскіх, якія забіваюць бежанцаў на мяжы Саюзнай дзяржавы.
"Калі інстытуты міжнароднага права разбурылі, а міжнародныя арганізацыі маўчаць аб тым, што адбываецца на тэрыторыі Расіі, Украіны, на мяжы з Беларуссю, значыць, мы самі будзем вяршыць правасуддзе, аднаўляць міжнародныя інструменты. Гэта будзе адкрыты суд", - сказаў беларускі парламентарый.
Гайдукевіч мяркуе, што дэпутаты беларускага парламента гэтую ініцыятыву падтрымаюць.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"