Расійскае ваеннае ведамства апублікавала відэакадры двух новых атамных падлодак Ціхаакіянскага флоту – "Император Александр III" і "Красноярск" уключаны ў баявы склад флоту.
Кіраўнік расійскага ВМФ адмірал Аляксандр Маісееў заслухаў даклады камандзіраў падлодак, пасля чаго выканаў даўнюю традыцыю – уручыў экіпажам падлодак смажаных парасят.
Па словах Маісеева, новыя атамныя падводныя крэйсеры былі ў максімальна сціснутыя тэрміны прыведзены ў стан боегатоўнасці і падрыхтаваны да рашэння задач, у тым ліку ў складаных умовах Арктыкі.
Будаўніцтва падводных носьбітаў стратэгічнай ядзернай зброі і шматмэтавых атамных падлодак застаецца адной з прыярытэтных задач Мінабароны Расіі і Ваенна-марскога флоту, маракі-падводнікі ўжо прыступілі да выканання баявых дзяжурстваў на шматмэтавых атамных падводных лодках "Ясень" і атамных ракетных падводных крэйсерах стратэгічнага прызначэння "Борей".
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"