МІНСК, 25 вер – Sputnik. Сістэма, выбудаваная ў беларускім спорце, у любы момант пры правільным падыходзе можа даць патрэбны вынік, заявіў падчас выступлення міністр спорту і турызму Сяргей Кавальчук, перадае Sputnik.
Пераможцаў і прызёраў Гульняў "Дети Азии" ўшаноўвалі ў сераду ў НАК Беларусі. Спаборніцтвы прайшлі з 26 чэрвеня па 6 ліпеня ў расійскай Рэспубліцы Саха. Удзел у іх узялі больш за тры тысячы атлетаў з 26 краін.
На міжнародных спартыўных Гульнях "Дети Азии" беларусы выйгралі 27 залатых, 21 сярэбраны і 30 бронзавых медалёў (усяго – 78 узнагарод).
Шматразовымі чэмпіёнамі Гульняў сталі Ганна Арлоўская, Андрэй Літвіновіч (абодва – лёгкая атлетыка), Раман Гальмак (плаванне).
Міністр назваў паспяховым выступленне юных спартсменаў з рэспублікі на Гульнях. Ён падкрэсліў, што беларусы паказалі добры вынік, склаўшы дастойную канкурэнцыю апанентам.
"Вельмі вялікі патэнцыял у нашай каманды. Гэта сведчыць аб тым, што сістэма, якая ёсць у нашым спорце, у любы момант пры правільным падыходзе, падрыхтоўцы можа даць патрэбны вынік", - сказаў Кавальчук.
Выступленне кіраўніка НАК Беларусі Віктара Лукашэнкі
© Sputnik / Александр Жибуль
Таксама пераможцаў і прызёраў Гульняў "Дети Азии" павіншаваў кіраўнік НАК Беларусі Віктар Лукашэнка.
"Вы здзейснілі вельмі сур’ёзны ўчынак у сваім дастаткова юным узросце: вы з нашым сцягам, гербам, гімнам прадставілі нашу краіну. Змагаліся і біліся за гонар нашай краіны, годна сябе праявілі і паказалі вынікі. Гэты міжнародны форум у вашым узросце – не толькі магчымасць паказаць вынікі, праверыць сябе, але яшчэ і сяброўская атмасфера, магчымасць набыць новых сяброў", - адзначыў ён.
Лукашэнка выказаў надзею, што ў далейшым юных чэмпіёнаў і прызёраў можна будзе ўбачыць у дарослым спорце.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"