МІНСК 28 вер – Sputnik. Намінальная налічаная сярэдняя заработная плата ў Беларусі ў жніўні 2024 года склала 2 341,2 руб, гаворыцца ў паведамленні Белстата.
Месяцам раней статыстычнае ведамства паведаміла, што сярэдні заробак у рэспубліцы складае 2 355,1 руб. Такім чынам, усяго за месяц гэты паказчык зменшыўся на 13,9 руб.
У рэгіянальным разрэзе сярэдні заробак у Беларусі выглядае наступным чынам:
Мінск – 3 064,3 руб.;
Мінская вобласць – 2 400,5 руб.;
Гомельская вобласць – 2 135,3 руб.;
Гродзенская вобласць – 2 123,6 руб.;
Брэсцкая вобласць – 2 090,1 руб.;
Віцебская вобласць – 1 998,4 руб.;
Магілёўская вобласць – 1 969,0 руб.
Больш за ўсё атрымлівалі беларусы, занятыя ў сферы інфармацыйных тэхналогій, – 6 863,1 руб. Крыху менш была сярэдняя зарплата ў работнікаў пасажырскага авіятранспарту – 6 566,7 руб.
Для параўнання, беларусы, занятыя прафесійнай, навуковай і тэхнічнай дзейнасцю, атрымлівалі ў жніўні ў сярэднім 2 856,2 руб.
У бібліятэках, архівах і музеях работнікі атрымалі ў мінулым месяцы ў сярэднім 1 329,0 руб. Менш за ўсіх традыцыйна атрымалі супрацоўнікі цырульняў і салонаў прыгажосці – 1 302,8 руб.
У маі гэтага года Нацыянальны статыстычны камітэт апублікаваў даныя аб медыяннай зарплаце ў краіне. Тады гэты паказчык быў на ўзроўні 1 688,3 руб. Статыстычныя даныя прыводзяцца ў маі і лістападзе.
Медыянны заробак ніжэй за сярэдні заўсёды, таму што разлічваецца іншымі метадамі. У нармальных эканамічных умовах розніца паміж гэтымі паказчыкамі знаходзіцца ў калідоры 20-25%.
Сярэдні заробак атрымліваецца простым складаннем заробленых грошай і дзяленнем на колькасць занятых у эканоміцы.
Медыянная зарплата – гэта сярэдзіна зарплатнага спіска, паказчык зарплаты, больш і менш якога ў краіне атрымлівае аднолькавая колькасць чалавек.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"