МІНСК, 30 вер – Sputnik. Беларускі бок выступіў з ініцыятыўнай стварыць лічбавую платформу для свабодных эканамічных зон (СЭЗ) краін-удзельніц ЕАЭС такую прапанову агучыў кіраўнік адміністрацыі СЭЗ "Гроднаінвест" Дзмітрый Ражкоў на пасяджэнні Еўразійскага міжурадавага савета, якое праходзіць у Ерэване.
Кіраўнік адміністрацыі СЭЗ растлумачыў журналістам, што гэта вельмі важная ініцыятыва для развіцця кааперацыі паміж краінамі, якія ўваходзяць у ЕАЭС.
"І кааперацыя паміж прадпрыемствамі таксама вельмі важная. У Беларусі гэта ініцыятыва падтрымліваецца ў рамках дзеючага заканадаўства, таму што, калі прадпрыемствы-рэзідэнты СЭЗ адгружаюць адзін аднаму прадукцыю, яны могуць льгатаваць гэтыя адгрузкі" - растлумачыў Ражкоў.
Ён мяркуе, што па пастаўках паміж прадпрыемствамі ЕАЭС гэтая ініцыятыва таксама можа знайсці сваю падтрымку. Асабліва з улікам таго, што зараз вельмі важна развіваць як імпартазамяшчальныя, так і экспартарыентаваныя праекты ў рамках краін ЕАЭС, дадаў кіраўнік СЭЗ.
"Фінансавая падтрымка прадпрыемствам-рэзідэнтам ужо аказваецца, важна навучыцца ёю карыстацца. Пытанне ў тым, што яшчэ неабходна інфармацыйная падтрымка, гэта значыць тут прадпрыемствы-рэзідэнты павінны разумець, дзе магчыма імплементацыя іх кампетэнцыі па стварэнні агульнага прадукту ў ЕАЭС", - растлумачыў Ражкоў.
Кіраўнік адміністрацыі СЭЗ мяркуе, што, калі такая лічбавая платформа ў ЕАЭС будзе створана, гэта дасць магчымасць павялічыць патэнцыял краін пяцёркі саюза.
"За кожнай СЭЗ стаяць яе рэзідэнты, якія фарміруюць агульны ўклад у ВУП краіны, таму павелічэнне аб’ёмных паказчыкаў паўплывае на рост паказчыкаў у нашых рэгіёнах", - адзначыў Ражкоў.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"