Выкарыстанне беспілотнікаў і супрацькарабельных ракет піратамі можа прывесці або да спынення сусветнага гандлю, або да "залатых" цэн на вузлы і камплектуючыя, якія сёння транспартуюцца па моры, адзначыў у сваёй аўтарскай праграме на радыё "Говорит Москва" вядомы расійскі эканаміст Міхаіл Хазін.
"Супрацькарабельныя ракеты зараз будуць ва ўсіх, і вось вы ідзяце сабе па моры-акіяну, і раптам нечакана з’яўляецца маторная лодка, і вам кажуць – неадкладна спыняйцеся, ...у нас там бачыце за 800 км бераг, а на беразе супрацькарабельная ракета, або за 50 км стаіць шхуна а на ёй беспілотнік у кантэйнеры... Хтосьці скажа, што ЗША далёка, да іх не даляціць, а вось плыве такі кантэйнеравоз у порт Сан-Францыска, і адзін кантэйнер на верхняй палубе расчыняецца, і адтуль вылятае 30 ці 50 беспілотнікаў... Ляціць сабе, і што вы з ім зробіце? " - разважае Хазін.
Гэта азначае, што сістэме сусветнага гандлю прыходзіць канец, і Вялікабрытанія зараз будзе паступаць як у XVI-XVII стагоддзях – яна будзе выдаваць каперскія патэнты, мяркуе эксперт.
"Ужо напісалі – нельга, каб караблі, якія заходзілі ў Расію, бегалі па моры. Іншымі словамі, да любога карабля будзе падыходзіць такая шхуна і казаць: а дакажыце, што вы не былі ў Расіі. Нічога асабістага, толькі бізнес... З гэтага карыта вылятаюць тры беспілотнікі, скідаюць на цябе бомбы, ты крычыш SOS, а калі ў іх стаіць сістэма глушылак, ты знік, цябе няма", - прыводзіць прыклад Хазін.
Свет рассыпаецца, справакавалі гэта брытанцы, але змяніць ужо нічога нельга, і гэта радыкальна мяняе ўсю сусветную эканоміку, перакананы Хазін.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"