МІНСК, 2 кас – Sputnik. Улады Беларусі прынялі рашэнне з 1 кастрычніка павялічыць экспартныя пошліны на некаторыя нафтапрадукты, гэта вынікае з пастановы Саўміна №724 ад 30 верасня, якая афіцыйна апублікавана ў сераду на Нацыянальным прававым інтэрнэт-партале.
З пачатку года беларускі ўрад фактычна адмяніў усе пошліны на экспарт нафты сырой, бітуму, мазуту ды іншых нафтапрадуктаў. Абнуленне пошлін ажыццяўлялася па дамоўленасці з РФ і было звязана з расійскім падатковым манеўрам.
Аднак з верасня яны зноў былі ўведзены на звадкаваныя вуглевадародныя газы і этан, бутан, ізабутан.
Цяпер беларускі ўрад прыняў рашэнне павялічыць іх.
Зараз пошліна на звадкаваныя вуглевадародныя газы ўстанавілася ў памеры 45,2 долараў за адну тону, раней было 20,8 долараў, а на этан, бутан, ізабутан – 40,6 долараў за тону гэтай прадукцыі, раней пошліна на гэтую прадукцыю была 18,7 долараў.
Разам з тым, пошліны на нафту сырую, а таксама на мазут, бітум, вазелін і парафін, адпрацаваныя нафтапрадукты, бензін, дызпаліва, бензол, талуол, маслы змазачныя і шэраг іншых па-ранейшаму будуць роўныя нулю долараў.
Пастанова набыла моц з 1 кастрычніка гэтага года.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"