МІНСК, 8 кас – Sputnik. "Белтэлекам" будзе праводзіць прафілактычныя работы на сетцы перадачы даных па ўсёй краіне 9 і 10 кастрычніка, гаворыцца на афіцыйным сайце аператара.
Гэта значыць, што ў пэўныя гадзіны ў абанентаў узнікнуць цяжкасці з доступам у Інтэрнэт.
"З 9:00 9 кастрычніка да 6:00 11 кастрычніка 2024 года ў сувязі з правядзеннем работ на сетцы перадачы даных РУП "Белтэлекам" магчымы перапынак доступу ў сетку Інтэрнэт для аператараў РБ, а таксама доступу да рэсурсаў сеткі РУП "Белтэлекам" праз падключэнне з Нацыянальным цэнтрам абмену трафікам", - паведамілі на прадпрыемстве.
У выпадку ўзнікнення пытанняў аператар просіць абанентаў тэлефанаваць на кароткі нумар 123.
РУП "Белтэлекам" – вядучая тэлекамунікацыйная кампанія, найбуйнейшы аператар электрасувязі на тэрыторыі Беларусі.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"