МІНСК, 8 кас – Sputnik. Штогадовыя заняткі па мабілізацыйнай гатоўнасці пройдуць у Беларусі з 8 па 11 кастрычніка, паведаміла прэс-служба міністэрства абароны рэспублікі.
Мерапрыемствы пройдуць пад кіраўніцтвам старшынь аблвыканкамаў. Яны накіраваны на павышэнне ўзроўню падрыхтоўкі і зладжанасці органаў упраўлення тэрытарыяльнай абароны да фарміравання тэрытарыяльных войск.
У прыватнасці, ва ўсіх адміністрацыйных раёнах рэспублікі пройдуць планавыя тэарэтычныя і практычныя мерапрыемствы. Асаблівую ўвагу плануецца ўдзяліць удасканаленню навыкаў службовых асоб выканкамаў, ваенных камісарыятаў і адміністрацый пунктаў прыёму мабілізацыйных рэсурсаў.
"Таксама ў рамках заняткаў прадугледжаны прызыў ваеннаабавязаных на аднадзённы збор, на якім будуць даведзены асновы і парадак дзеянняў у ходзе фарміравання тэрытарыяльных войск", - паведамілі ў Мінабароны.
Раней у адной з воінскіх часцей ВПС і войск СПА пачалося тактыка-спецыяльнае вучэнне.
Яно праходзіць у рамках распачатай раней праверкі злучэнняў і воінскіх часцей Узброеных сіл Беларусі.
У вучэнні задзейнічаны ваеннаслужачыя, прызваныя з запасу. Таксама падчас праверкі запланавана перамяшчэнне ваеннай тэхнікі.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"