Прэзідэнты Беларусі і Расіі Аляксандр Лукашэнка і Уладзімір Пуцін правялі ў сераду, 9 кастрычніка, перагаворы ў Маскве, перадае Sputnik.
Беларускі лідар прыбыў у расійскую сталіцу напярэдадні, у аўторак ён прыняў удзел у пасяджэнні кіраўнікоў дзяржаў-членаў СНД, а таксама выступіў на ім з прамовай. У ёй ён закрануў пытанні ўмацавання міжнароднага статусу Садружнасці, процідзеяння насаджэнню чужых экстрэмісцкіх ідэалогій, дасягнення тэхналагічнага суверэнітэту на прасторы СНД і прасоўвання сістэмы каштоўнасцей арганізацыі.
Як паведаміў журналістам памочнік прэзідэнта РФ па міжнародных справах Юрый Ушакоў, гэта ўжо восьмая сустрэча Лукашэнкі і Пуціна з пачатку года.
Затым у Андрэеўскай зале Крамля адбылася ўрачыстая цырымонія ўручэння беларускаму прэзідэнту вышэйшай дзяржаўнай узнагароды РФ – ордэна Святога апостала Андрэя Першазванага.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"