МІНСК, 10 кас – Sputnik. Вялікія алімпійскія рэкорды і дасягненні беларускіх спартсменаў на чэмпіянатах свету немагчыма ўявіць без спартыўнай навукі і спартыўнай медыцыны, заявіў прэзідэнт Нацыянальнага алімпійскага камітата Віктар Лукашэнка, паведамляе Sputnik.
Ён нагадаў, што спартыўная медыцына атрымала сваё развіццё ў рэспубліцы больш як 50 гадоў таму, а ў 2014 годзе ў Мінску з’явіўся Рэспубліканскі навукова-практычны цэнтр спорту.
"Было прынята рашэнне аб зліцці спартыўнай медыцыны і спартыўнай навукі. І як вынік – з’явіўся ўнікальны цэнтр з сучасным абсталяваннем, з падрыхтаванымі прафесійнымі кадрамі, сваімі навуковымі даследаваннямі", - сказаў Лукашэнка на адкрыцці навукова-практычнай канферэнцыі "Спорт. Медыцына. Навука", прысвечанай 10-годдзю беларускага РНПЦ спорту.
Паводле яго слоў, Рэспубліканскі навукова-практычны цэнтр спорту вядомы не толькі ў Беларусі, але і далёка за межамі рэспублікі – у Кітаі, Расіі, краінах СНД.
Віцэ-прэзідэнт НАК Дзмітрый Даўгалёнак у сваю чаргу адзначыў, што спартыўная медыцына сёння – гэта практычна 40% поспеху атлета.
"З’явіліся новыя тэхналогіі фармакалагічнага забеспячэння для падтрымання спартсмена на піку формы, каб ён максімальна мог захавацца і добра выступіць на асноўных спаборніцтвах", - падкрэсліў ён.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"