МІНСК, 10 кас – Sputnik. Інфармацыйная вайна супраць Беларусі напярэдадні прэзідэнцкіх выбараў будзе толькі нарастаць, дэпутаты павінны даваць дастойны інфармацыйны адпор праціўніку, заявіў старшыня Палаты прадстаўнікоў Нацыянальнага сходу Беларусі Ігар Сяргеенка.
У Авальнай зале ў чацвер праходзіць сустрэча-семінар з памочнікамі беларускіх дэпутатаў. Такога роду сустрэча праводзіцца ўпершыню.
"Інфармацыйная вайна разгортваецца не толькі ля нашых меж, але і ў інфармацыйнай прасторы нашай краіны", - адзначыў Сяргеенка.
З набліжэннем прэзідэнцкай выбарчай кампаніі віток гэтай інфармацыйнай вайны будзе толькі нарастаць.
"Таму вы павінны быць не толькі гатовы гэтаму супрацьстаяць, але і сваім словам у адказ даваць адпор", - падкрэсліў Сяргеенка, звяртаючыся ў прысутным у Авальнай зале дэпутатам і іх памочнікам.
Спікер ніжняй палаты парламента адзначыў важнасць узаемадзеяння дэпутацкага корпуса са СМІ.
"Большасць памочнікаў дапамагае сваім дэпутатам весці персанальныя сайты, акаўнты ў сацыяльных сетках. Вельмі важна, каб яны існавалі не для галачкі, а былі цікавымі, запамінальнымі, каб людзі бачылі ўцягнутасць парламентарыяў у тыя праблемы, якія хвалююць нашых людзей", - адзначыў Сяргеенка.
Паводле яго слоў, не варта пазбягаць вострых тэм.
"Калі мы не будзем бачыць і рэагаваць на вострыя тэмы, то займацца гэтым будуць іншыя – наш праціўнік гэтымі сітуацыямі будзе карыстацца і нас перайграваць", - асабліва падкрэсліў Сяргеенка.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"