МІНСК, 18 кас – Sputnik. Краіны БРІКС вывучаюць магчымасць пашырэння выкарыстання нацвалют і стварэння інструментаў, якія зрабілі б гэта бяспечным, паведаміў прэзідэнт РФ Уладзімір Пуцін на сустрэчы з кіраўнікамі СМІ краін БРІКС.
"Гэта абмен фінансавай інфармацыяй паміж цэнтральнымі банкамі... Гэта аналаг SWIFT. Гэта тое, што забяспечвае міжнародныя разлікі", - растлумачыў ён.
Што датычыцца адзінай валюты БРІКС, то, паводле слоў Пуціна, пакуль што гэтае пытанне не разглядаецца, таму што яно не выспела.
"Трэба быць вельмі акуратнымі, тут мы павінны дзейнічаць паступова, не спяшаючыся. На гэты момант мы вывучаем магчымасць пашырэння выкарыстання нацыянальных валют і стварэння інструментаў, якія далі б магчымасць зрабіць такую работу бяспечнай", - растлумачыў Пуцін.
Ён дадаў, што для адзінай валюты патрэбна высокая ступень інтэграцыі эканомік. Па сваёй структуры і эфектыўнасці яны павінны быць раўнацэнныя. Інакш пры ўвядзенні адзінай валюты ўзнікнуць яшчэ большыя праблемы, чым атрымаў ЕС з-за ўвядзення еўра ў краінах з рознымі эканомікамі.
Раней пасол Расіі ў Бразіліі Аляксей Лабецкі заявіў, што БРІКС прапрацоўвае магчымасць узаемаразлікаў, у тым ліку праз сістэмы, альтэрнатыўныя SWIFT.
"Асаблівую актуальнасць гэта тэма набывае на фоне натуральнага працэсу дэдоларызацыі, які адбываецца ў свеце і які, дарэчы, набірае абароты ў краінах Глабальнага Поўдня", - адзначыў дыпламат.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"