МІНСК, 19 кас – Sputnik. Беларусы атрымаюць магчымасць наведваць Аман без візы тэрмінам на 14 дзён, расказаў у эфіры СТБ першы намеснік міністра замежных спраў рэспублікі Сяргей Лукашэвіч.
Паводле яго слоў, напярэдадні ў султанаце адбыліся перагаворы беларускай урадавай дэлегацыі на чале з прэм’ерам Раманам Галоўчанкам з аманскімі партнёрамі.
У выніку праведзенага абмеркавання аманскі бок прыняў на сябе абавязацельства перавесці Беларусь у пэўны дыпламатычны спісак.
"Яны называюць яго "спісак №1", які дазволіць беларускім грамадзянам праз некаторы час знаходзіцца ў Амане да 14 дзён без візы", - растлумачыў Лукашэвіч.
Пры гэтым ён адзначыў важнасць гэтага кроку, таму што гэта добра адаб’ецца на развіцці турыстычных патокаў, а таксама аблегчыць візіты для бізнесменаў дзвюх краін.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"