МІНСК, 23 кас – Sputnik. Выбары прэзідэнта Беларусі прызначаны на 26 студзеня 2025 года.
Адпаведнае рашэнне прынялі ў сераду дэпутаты Палаты прадстаўнікоў Нацыянальнага сходу Рэспублікі Беларусь, паведаміла ЦВК Беларусі.
Як раней сказаў кіраўнік ЦВК Беларусі Ігар Карпенка, чарговыя прэзідэнцкія выбары ў Беларусі павінны прайсці не пазней за 20 ліпеня 2025 года. Ён таксама ўдакладніў, што ў адпаведнасці з новым выбарчым заканадаўствам у Беларусі для кандыдатаў на пасаду прэзідэнта павялічаны ўзроставы цэнз да 40 гадоў, а цэнз аседласці – да 20 гадоў.
Папярэднія выбары адбыліся ў жніўні 2020 года, гэта былі шостыя выбары кіраўніка дзяржавы ў гісторыі суверэннай Беларусі, перамогу атрымаў дзеючы кіраўнік дзяржавы Аляксандр Лукашэнка.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"