МІНСК, 24 кас – Sputnik. Рэспубліканская партыя працы і справядлівасці падтрымае на выбарах дзеючага кіраўніка дзяржавы Аляксандра Лукашэнку, паведаміў Sputnik старшыня Рэспубліканскай партыі працы і справядлівасці (РППС) Аляксандр Хіжняк.
Прэзідэнцкая кампанія афіцыйна стартавала ў Беларусі ў чацвер. Старшыня РППС, адказваючы на пытанне Sputnik, ці будзе партыя вылучаць свайго кандыдата на выбары кіраўніка дзяржавы ў 2025 годзе, адказаў адмоўна.
"У гэтай выбарчай кампаніі Рэспубліканская партыя працы і справядлівасці падтрымае дзеючага кіраўніка дзяржавы", - сказаў Хіжняк.
Партыя працы і справядлівасці
Рэспубліканская партыя працы і справядлівасці заснавана ў 1993 годзе, каля вытокаў партыі стаяў актыў грамадскага аб’яднання "Беларускае таварыства інвалідаў па зроку".
У партыі ёсць арганізацыйныя структуры ва ўсіх абласцях рэспублікі і ў Мінску. Паводле даных сайта РППС, яна прадстаўлена ў асноўным ва ўзроставым дыяпазоне ад 35 да 60 гадоў. Удакладняцца, што члены партыі выступаюць за сацыяльна арыентаваныя рэформы, за істотную ролю дзяржавы ў рэгуляванні гаспадарчых адносін. А таксама яны падтрымліваюць дзяржсімволіку, беражліва ставяцца да гістарычнай памяці.
Прэзідэнцкія выбары
Напярэдадні стала вядома, што выбары прэзідэнта Беларусі адбудуцца 26 студзеня 2025 года.
Як паведаміў Карпенка, падаць дакументы на рэгістрацыю ініцыятыўных груп па вылучэнні кандыдатаў у прэзідэнты трэба не пазней за 1 лістапада 2024-га.
Паводле яго слоў, каб вылучыць кандыдата ў прэзідэнты, трэба сабраць не менш як 100 тыс подпісаў. Падпісныя лісты будзе друкаваць ЦВК, але дазволена і спампаваць бланк з сайта Камісіі, каб раздрукаваць самастойна. У групу па зборы подпісаў павінна ўваходзіць не менш за 100 чалавек.
У зборшчыкаў подпісаў будуць пасведчанні, выдадзеныя ЦВК, якія яны будуць паказваць грамадзянам разам з дакументам, які сведчыць асобу.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"