МІНСК, 29 кас – Sputnik. Прэзідэнт Беларусі Аляксандр Лукашэнка лічыць, што кандыдатам на будучых выбарах кіраўніка дзяржавы трэба ўлічваць зменлівую ў краіне сітуацыю.
Аб гэтым ён заявіў у аўторак, 29 кастрычніка, у Палацы Незалежнасці падчас нарады па эфектыўнасці працы аграпрамысловага комплексу.
"Сітуацыя сёння ў краіне такая, што проста расказваць і гаварыць… Ужо не тое што губернатары – народ не прыме. Людзям трэба дастаць і пакласці", - адзначыў Лукашэнка.
На яго думку, зараз важна і тое, што ёсць за плячыма ў кандыдата: калі ў яго стары багаж, такому чалавеку трэба быць вельмі акуратным.
"Усе, хто сёння хоча, а такіх ужо нямала, – гэта ж людзі, якія пры нас, нават не пры мне, выраслі. Таму вось ім парада: што ты зробіш і наколькі глыбока ты разумееш гэтыя праблемы", - сказаў на заканчэнне беларускі лідар.
Выбары-2025
Раней на пасяджэнні Палаты прадстаўнікоў дэпутаты прынялі рашэнне прызначыць дату прэзідэнцкіх выбараў на 26 студзеня 2025 года. Пакуль што аб сваім намеры балаціравацца заявілі два чалавекі – дзеючы кіраўнік дзяржавы Аляксандр Лукашэнка і лідар ЛДПБ Алег Гайдукевіч.
Згодна з планам ЦВК, рэгістрацыя кандыдатаў у прэзідэнты будзе праводзіцца з 22 па 31 снежня ўключна.
З 1 студзеня 2025 года пачнецца перадвыбарная агітацыя і інфармаванне выбаршчыкаў, з 21 па 25 студзеня – датэрміновае галасаванне, а 26 студзеня – асноўны дзень галасавання на выбарах.
Не пазней за 5 лютага ЦВК павінна ўстанавіць вынікі выбараў прэзідэнта. У выпадку неабходнасці другі тур галасавання пройдзе не пазней за 9 лютага.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"