МІНСК, 31 кас – Sputnik. Каб спыніць ваенныя канфлікты, краіны павінны размаўляць паміж сабой, заявіў міністр замежных спраў Венгрыі Петэр Сіярта падчас выступлення на пленарнай сесіі II Мінскай міжнароднай канферэнцыі па еўразійскай бяспецы, перадае карэспандэнт Sputnik.
Кіраўнік МЗС еўрапейскай дзяржавы пачаў сваё выступленне на рускай мове і, перш за ўсё, падзякаваў за запрашэнне на канферэнцыю ў беларускай сталіцы.
"Для мяне вялікі гонар зноў быць у Мінску на канферэнцыі другі раз. Дзякуй за тое, што магу выказаць пазіцыю Венгрыі па глабальнай бяспецы", - сказаў ён.
Сіярта нагадаў, што Венгрыя выступае па тэме ўкраінскага канфлікту з меркаваннем, якое адрозніваецца ад пазіцыі іншых членаў Еўрасаюза. За гэта, паводле яго слоў, Будапешт асуджаюць краіны ЕС.
"На жаль, на працягу апошняга года свет стаў яшчэ больш небяспечным, чым раней. Я думаю, што не будзе перабольшаннем сказаць, што канец Другой сусветнай вайны і той момант, у якім мы апынуліся зараз – гэта параўнальная небяспека (…). Каб спыніць гэты працэс, нам неабходна размаўляць", - падкрэсліў ён.
Галоўнае – гэта суверэнітэт
Сіярта заявіў, што Венгрыя не прымае дыктат, які сёння ідзе з боку заходніх краін.
"Я думаю, што ключавое слова сёння – гэта суверэнітэт. Мы, венгры, прытрымліваемся свайго суверэнітэту і будзем абараняць кожны сантыметр свайго суверэнітэту. Гэта азначае, што мы глядзім на свет з нашага пункту гледжання і не чакаем ад іншых таго ж. Але мы спадзяемся, што яны (краіны калектыўнага Захаду - Sputnik) не чакаюць, што мы будзем глядзець на свет з іх пункту гледжання ", - канстатаваў кіраўнік венгерскага МЗС.
Эканамічны нейтралітэт
Ён дадаў, што Будапешт выступае за аб’яднанне і эканамічную кааперацыю Вялікай Еўразіі.
"Мы хочам, каб у бліжэйшы час мы аб’ядналіся, а не былі падзелены на блокі. Давайце аб’яднаем міжнародную супольнасць і прымусім яе не паліць, а будаваць", - адзначыў Сіярта.
Паводле яго слоў, Венгрыя прытрымліваецца эканамічнага нейтралітэту, супрацоўнічаючы як з краінамі Захаду, так і з краінамі Усходу, і не прымае палітыку санкцый.
"Мы не прымаем празмернай ідэалагізацыі і палітызацыі такіх пытанняў, як пастаўка энерганосьбітаў (з Расіі - Sputnik). Цяпер мы плацім у пяць разоў вышэй цану за газ", - звярнуў увагу дыпламат.
Кіраўнік МЗС Венгрыі нагадаў, што зараз яго краіна ўзводзіць АЭС накшталт Беларускай атамнай электрастанцыі. Выканаўцам выступае "Росатом", а ў якасці субпадрадчыкаў – кампаніі з Аўстрыі, Францыі і Германіі, якія зарабляюць дзесяткі мільёнаў долараў на гэтым праекце.
"Шчыра кажучы, ёсць нейкая крывадушнасць і падойныя стандарты ў гэтым усім", - канстатаваў Петэр Сіярта.
Пасля чаго дадаў, што некаторыя дзяржавы ЕС увесь час падахвочваюць астатнія краіны накласці санкцыі на ядзерную энергетыку Расіі. Пры гэтым РФ, акцэнтаваў венгерскі міністр замежных спраў, з’яўляецца асноўным пастаўшчыком урану для ЗША.
"Магчыма, Венгрыя – адзіная цяпер краіна, якая гаворыць аб неабходнасці еўразійскай кааперацыі. Астатнім не хапае адвагі агучыць гэтую пазіцыю", - рэзюміраваў ён.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"