МІНСК, 31 кас – Sputnik. ЦВК Беларусі на пасяджэнні ў чацвер зарэгістраваў тры ініцыятыўныя групы грамадзян па вылучэнні кандыдатам у прэзідэнты, перадае карэспандэнт Sputnik.
На пасяджэнні ЦВК сёння былі разгледжаны чатыры пытанні, тры з якіх датычыліся рэгістрацыі ініцыятыўных груп па вылучэнні ў кандыдаты лідараў дзвюх партый – Алега Гайдукевіча і Аляксандра Хіжняка – а таксама галоўнага ідэолага Мінска Вольгі Чамаданавай.
Як было адзначана на пасяджэнні ЦВК, дакументы на рэгістрацыю былі пададзены ў адпаведнасці з заканадаўствам. ЦВК аднагалосна прагаласавала за рэгістрацыю даных ініцыятыўных груп.
Чацвёртым пытаннем, якое разгледзела ЦВК на пасяджэнні ў чацвер, стала рэгістрацыя прадстаўніка па фінансавых пытаннях дзеючага кіраўніка дзяржавы Аляксандра Лукашэнкі, які вылучаецца кандыдатам у прэзідэнты Беларусі. Ім стала Валянціна Акудовіч.
Раней у чацвер ЦВК паведаміла, што сёння былі прыняты дакументы аб рэгістрацыі трох ініцыятыўных груп – Ганны Канапацкай, Сяргея Бобрыкава і Дзіяны Кавалёвай.
Наступнае пасяджанне ЦВК пройдзе ў панядзелак, 4 лістапада.
Выбары прэзідэнта Беларусі пройдуць 26 студзеня 2025 года. 1 лістапада бягучага года завяршаецца этап падачы дакументаў на рэгістрацыю ініцыятыўных груп.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"