МІНСК, 3 ліс – Sputnik. Урачыстыя мерапрыемствы і службы, прымеркаваныя да 35-годдзя з дня ўтварэння Беларускага Экзархату і 10-годдзя ўтварэння Мінскай мітраполіі, пройдуць у беларускай сталіцы 3 лістапада, паведамілі ў прэс-службе Беларускай праваслаўнай царквы.
Напярэдадні ў Мінск у Свята-Духаў кафедральны сабор былі дастаўлены каўчэгі з часціцамі мошчаў прападобных Еўфрасінні Полацкай і Еўфрасінні Маскоўскай.
Святыні будуць знаходзіцца ў саборы для пакланення да 4 лістапада ўключна.
Саборная малітва
Як паведамілі ў прэс-службе БПЦ, цэнтральнай падзеяй урачыстасцей стане саборная Боская літургія ў галоўным праваслаўным храме Беларусі. Яе ўзначаліць прадстаяцель БПЦ, Мітрапаліт Мінскі і Заслаўскі Веніямін.
На саборнай малітве будуць служыць прадстаўнікі беларускага духавенства, а таксама свяшчэннікі з іншых краін, якія прыбылі з нагоды ўрачыстасцей у Мінск.
Папярэдняя саборная малітва, на якой прысутнічала духавенства з усёй Беларусі, прайшла пасля завяршэння Усебеларускага хрэснага ходу.
Саюзны праект
У БПЦ таксама падкрэслілі, што прынясенне ў мінскі Свята-Духаў сабор святынь – каўчэгаў з мошчамі – стала фінальным этапам маштабнага праекта Саюзнай дзяржавы Беларусі і Расіі.
Святыні раней пабывалі ў розных праваслаўных епархіях у Расіі і Беларусі.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"