МІНСК, 6 ліс – Sputnik. Адзіная дзяжурна-дыспетчарская служба будзе створана ў Мінскай вобласці, адпаведнае рашэнне №659 ад 24 ліпеня прыняў аблвыканкам. Дакумент афіцыйна апублікаваны ў сераду на Нацыянальным прававым інтэрнэт-партале.
У склад службы ўвойдзе 13 арганізацый.
Сярод іх: Мінскае абласное ўпраўленне МНС, упраўленне ўнутраных спраў Мінаблвыканкама, упраўленне дзяржаўнай аўтамабільнай інспекцыі ўпраўлення ўнутраных спраў аблвыканкама, Мінскі абласны цэнтр хуткай меддапамогі, упраўленне КДБ па горадзе Мінску і Мінскай вобласці.
Таксама ў яе структуру ўвойдуць такія профільныя прадпрыемствы, як "Мінскаблгаз", "Мінскгаз", "Мінскаўтадор-Цэнтр", "Мінскаблдарбуд", "Мінскэнерга" і дзяржаб’яднанне "Жыллёва-камунальная гаспадарка Мінскай вобласці". Таксама ў службу ўвойдуць Мінскі філіял "Белтэлекама" і Мінскае аддзяленне БЧ.
Мэтай стварэння гэтай службы з’яўляецца забеспячэнне магчымасці звароту па экстраную дапамогу на адзіны тэлефонны нумар "112". Таксама гэта дасць магчымасць аператыўнага рэагаваць на пагрозу або ўзнікненне надзвычайных сітуацый прыроднага або тэхнагеннага характару.
Раней аналагічныя рашэнні прынялі ўлады беларускай сталіцы і Магілёўскага раёна.
У адзіную дзяжурна-дыспетчарскую службу Мінска ўвайшлі 21 арганізацыя, а Магілёўскага раёна – пяць.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"