МІНСК, 6 ліс – Sputnik. Упершыню гэтай восенню распачата спецыяльнае комплекснае мерапрыемства "Паляванне", паведаміў намеснік начальніка аддзела кантролю за аховай і выкарыстаннем аб'ектаў жывёльнага свету Дзяржінспекцыі аховы жывёльнага і расліннага свету Сцяпан Гузней на канферэнцыі ў мультымедыйным прэс-цэнтры Sputnik Беларусь.
"…З 1 кастрычніка ўжо вядзецца… Гэта, па-першае, мерапрыемствы, накіраваныя на кантроль, узмоцнены кантроль за арганізацыяй правядзення палявання", - растлумачыў прадстаўнік інспекцыі.
Разам з праваахоўнымі органамі Дзяржінспекцыя таксама выводзіць з незаконнага абароту забароненыя прылады здабычы дзікіх жывёл.
"Гэта часта і зброя, і боепрыпасы незарэгістраваныя. Плюс гэта выяўленне і спыненне фактаў незаконных паляванняў, фактаў браканьерства. Што датычыцца парушэнняў, можна сказаць, што за апошнія гады іх становіцца менш... Наш паляўнічы становіцца больш законапаслухмяным", - адзначыў Гузней.
Ён паведаміў, што 15-20 гадоў таму выяўлялі да 2,5 тыс парушэнняў правіл палявання і вядзення паляўнічай гаспадаркі. У апошнія гады фіксуюць па 700-800 парушэнняў.
"Скажам так, за 10 месяцаў гэтага года выяўлена каля 400 парушэнняў. Калі параўноўваць з мінулым годам, то гэта недзе на 30% менш, чым у мінулым годзе", - дадаў Гузней.
У сваю чаргу старшы дзяржінспектар аддзела кантролю за аховай і выкарыстаннем аб’ектаў жывёльнага свету Вольга Лушчыцкая расказала, што ў красавіку-верасні выяўлена прыкладна 1,5 тыс парушэнняў правіл аматарскага рыбалоўства і правіл вядзення рыбалоўнай гаспадаркі.
"За аналагічны перыяд 2023 года – некалькі ніжэй, дзесьці каля 1 360 парушэнняў. У тым ліку грубых парушэнняў у нас сёлета за гэты перыяд (красавік-верасень - Sputnik) было 662, а за аналагічны перыяд 2023 года – 670", - паведамляла яна.
Лушчыцкая звярнула ўвагу, што сёлета рыбакі здалі больш забароненых сетак.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"