МІНСК, 16 ліс – Sputnik. Золатавалютныя рэзервы Беларусі выраслі за кастрычнік на 75,6 млн долараў і па стане на 1 лістапада склалі 8 933,9 млн долараў, паведамілі эксперты Еўразійскага банка развіцця (ЕАБР) у чарговым аглядзе.
Як адзначылі аналітыкі банка, гэты рост абумоўлены павелічэннем кошту золата з прычыны павышэння цэн на яго на 4% у кастрычніку.
"Рэзервы ў замежнай валюце знізіліся на 79,8 млн долараў, пры гэтым на ўнутраным валютным рынку прапанова замежнай валюты перавысіла яе куплю на 161,4 млн долараў, захоўваючы тэндэнцыю другога паўгоддзя", - паведамілі ў фінустанове.
З пачатку года золатавалютныя рэзервы рэспублікі выраслі на 806,5 млрд долараў.
Як адзначылі раней у Нацбанку Беларусі, міжнародныя рэзервовыя актывы краіны растуць на працягу амаль усяго 2024 года. Выключэннямі былі толькі май і чэрвень, але з ліпеня зноў пачалося павелічэнне. Прычым, як правіла, агульная сума ўзрастае за кошт долі манетарнага золата.
У Нацбанку таксама падкрэслілі, што агульная сума ЗВР пакуль што знаходзіцца ў межах прагнозу ўлад. Пастаўлена задача, каб на канец года было не менш як 6 млрд долараў.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"