МІНСК, 19 ліс – Sputnik. Больш за 170 мерапрыемстваў пройдзе ва ўсіх рэгіёнах РФ з нагоды 80-годдзя Перамогі ў Вялікай Айчыннай вайне, паведаміла міністр культуры РФ Вольга Любімава.
Яна адзначыла, што план яшчэ не канчатковы, ён працягвае дапаўняцца.
"Мы працуем сумесна з расійскім арганізацыйным камітэтам "Победа", арганізацыйным камітэтам па падрыхтоўцы і правядзенні святкавання 80-й гадавіны Перамогі ў Вялікай Айчыннай вайне з усімі нашымі 89 рэгіёнамі", - сказала Любімава.
Яна падкрэсліла, што па даручэнні прэзідэнта РФ "Росархив" рыхтуе буйную гісторыка-дакументальную выставу пад назвай "Великая Отечественная война: документы и артефакты". Акрамя таго, Расійскае ваенна-гістарычнае таварыства сумесна з Саюзнай дзяржавай працуе над праектам стварэння скульптурнай кампазіцыі "Монумент Воину-победителю" для мемарыяльнага комплексу "Северный фас Курской дуги".
"У гэтым годзе мы таксама зможам убачыць першыя падзеі праекта "Победа одна на всех". Ён прысвечаны ўкладу народаў савецкіх рэспублік у Вялікую Перамогу", - падкрэсліла кіраўнік ведамства.
Паводле яе слоў, асноўныя культурна-асветніцкія мерапрыемствы ў 2025 годзе пройдуць у Музеі Перамогі. У прыватнасці, тут будзе прадстаўлена новая вялікая выстава пад назвай "Путь к Победе", прысвечаная мужнасці салдат Чырвонай Арміі.
"Унікальнасць праекта ў тым, што разам з подзвігамі военачальнікаў і герояў ён пакажа і лёсы простых байцоў, раскрые прыроду масавага гераізму, а таксама ўклад кожнага рэгіёна Расійскай Федэрацыі і краін СНД у Вялікую Перамогу", - адзначыла міністр.
У ліку знакавых мерапрыемстваў юбілейнага года – спецыяльны праект "Легенды советского кино", які ўключае выставы афіш і плакатаў савецкіх фільмаў са збору Дзяржфільмафонду і Музея кіно. Іх дапоўняць бясплатныя паказы ў кінатэатры "Поклонка" .
Акрамя таго, у юбілейны год пройдзе трохдзённы Міжнародны гісторыка-культурны форум "Победа в единстве". Чакаецца, што на яго прыедуць каля 500 удзельнікаў, у тым ліку з іншых краін. Таксама адбудзецца пяты "Международный фестиваль правильного кино".
Рыхтуюцца да юбілейнай даты і многія федэральныя тэатры. Нацыянальны драматычны тэатр у Санкт-Пецярбургу пакажа фільм пра ваенныя гады Александрынскага тэатра, а таксама выставу фатаграфій і дакументаў. Вялікі тэатр Расіі прадставіць выставачны праект "Война и музыка". Акрамя таго, тэатральная трупа рыхтуецца да маштабных гастролей у Самары – былым Куйбышаве, дзе тэатр працаваў падчас эвакуацыі, дадала Любімава.
Таксама міністр анансавала правядзенне вясной акцый "Свечи памяти", "Сад памяти", "Георгиевская ленточка" і "Бессмертный полк".
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"