МІНСК, 25 ліс – Sputnik. На выбарах прэзідэнта Румыніі лідзіруе незалежны кандыдат Кэлін Джэарджэску, паведамляе Sputnik Малдова ў сваім Telegram-канале.
Пасля апрацоўкі 99,77% бюлетэняў Джэарджэску набірае 22,91% галасоў выбаршчыкаў.
На другім месцы дзеючы прэм’ер-міністр краіны Марчэл Чалаку, які атрымаў 19,19%. За ім ідзе лідар "Саюза за выратаванне Румыніі" Алена Ласконі – 19,14%. Ласконі і Чалаку ўсё яшчэ змагаюцца за права ўдзельнічаць у другім туры.
На замежных участках за Джэарджэску прагаласавалі 43,5% выбаршчыкаў, на другім месцы Ласконі (26,1%), а прэм’ер Марчэл Чалаку атрымаў толькі 2,91% і апынуўся на шостым месцы.
Усяго на пасаду прэзідэнта Румыніі прэтэндуюць 13 кандыдатаў. Сярод іх – былы намеснік генсакратара НАТА Мірча Джаанэ, спікер сената Мікалае Чукэ, былы намеснік кіраўніка румынскай разведслужбы Сілвіу Прэдою, а таксама прадстаўнікі партый і незалежныя кандыдаты.
Джэарджэску праводзіў сваю перадвыбарную кампанію ў TikTok. Ён заяўляў, што мае план па развіцці Румыніі і ўмацаванні аўтарытэту краіны за мяжой. Кандыдат выказваўся супраць ваеннай дапамогі Украіне, крытыкаваў НАТА, адзначаючы, што членства яго краіны ў альянсе не можа гарантаваць бяспеку. Акрамя таго, Джэарджэску выступае за саюз з Расіяй.
Згодна з заканадаўствам Румыніі, пераможцам на выбарах прэзідэнта прызнаецца кандыдат, які атрымаў больш за 50% галасоў. Такім чынам, другі тур пройдзе 8 снежня.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"