МІНСК, 17 сне – Sputnik. Старшынства Расіі ў СНД у 2024 годзе было паспяховым, нягледзячы на ўсе цяжкасці, якія даводзіцца перажываць краінам СНД, заявіў журналістам у аўторак Генеральны сакратар СНД Сяргей Лебедзеў.
"Старшынства (Расіі ў СНД - Sputnik) завяршаецца вельмі насычана. Кульмінацый стане нефармальная сустрэча лідараў краін СНД, якая плануецца ў снежні ў Санкт-Пецярбургу", - сказаў Лебедзеў.
Сёння ў штаб-кватэры СНД будуць заслуханы вынікі старшынства Расіі ў арганізацыі. Пра іх на пасяджэнні пастаянных прадстаўнікоў паведаміць расійскі пастаянны прадстаўнік Андрэй Грозаў.
Перад пасяджэннем Грозаў паразмаўляў з прэсай. Ён адзначыў, што, нягледзячы на санкцыі адносна Расіі і Беларусі, таксама другасных санкцый адносна іншых краін СНД, краіны Садружнасці дабіліся эканамічнага росту, ВУП павялічыўся на 4,7%.
Паводле яго слоў, за час старшынства Расіі ў СНД у адыходзячым годзе было праведзена больш як 150 мерапрыемстваў.
"Шматбаковае ўзаемадзеянне ў фармаце Садружнасці з’яўляецца адным з галоўных прыярытэтаў знешняй палітыкі Расіі. Для нас гэта важны напрамак, паколькі краіны СНД з’яўляюцца нашымі блізкімі суседзямі, сябрамі і стратэгічнымі партнёрамі", - сказаў Грозаў.
У 2024 годзе былі вытрыманы высокія тэмпы супрацоўніцтва ў рамках СНД. У перыяд старшынства Расія надавала ўвагу такім напрамкам, як гандлёва-эканамічнае супрацоўніцтва, знешнепалітычная каардынацыя, супрацоўніцтва ў ваеннай сферы, у ахове правапарадку і ў гуманітарна-культурнай сферы.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"