МІНСК, 25 сне – Sputnik. Прэзідэнт Беларусі Аляксандр Лукашэнка адрасаваў віншаванне з Нараджэннем Хрыстовым каталіцкім вернікам, тэкст віншавання прыводзіць прэзідэнцкая прэс-служба.
Свята Каляд усяляе ў душы людзей веру ў сілу любві і чалавечнасці, адзначаецца ў віншаванні беларускага лідара. Ён падкрэсліў значнасць добрых спраў і ўчынкаў у калядныя дні, з дапамогай якіх чалавек можа папоўніць духоўныя сілы.
"У такія дні па-асабліваму ўспрымаецца значнасць міру і згоды, шчырасці і ўзаемаразумення. Упэўнен, што шанаванне хрысціянскіх каштоўнасцей будзе і ў далейшым садзейнічаць умацаванню адзінства на беларускай зямлі", - адзначыў прэзідэнт.
Кіраўнік дзяржавы пажадаў сем’ям беларускіх каталікоў дабрабыту, цяпла і ўтульнасці ў іх дамах.
Каталіцкая царква – другая па велічыні рэлігійная канфесія ў Беларусі пасля праваслаўных. Па даных адкрытых крыніц, каталіцызм вызнаюць каля 13% беларускага насельніцтва, больш за ўсё каталікоў пражываюць на захадзе краіны, у першую чаргу, на Гродзеншчыне.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"