МІНСК, 31 сне – Sputnik. Аранжавы ўзровень небяспекі надвор’я з-за моцнага ветру аб’явілі ў Беларусі на 1 студзеня, паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя.
"Раніцай і днём у сераду, 1 студзеня, на большай частцы тэрыторыі краіны і ў Мінску чакаецца ўзмацненне ветру парывамі 15-20 м/с", - гаворыцца ў паведамленні.
Па прагнозах сіноптыкаў, у першы дзень новага года ў краіне ўстановіцца воблачнае надвор’е, па поўдні – з праясненнямі. У асноўным па паўночнай палове рэспублікі пройдуць ападкі – дождж і мокры снег. На асобных участках дарог будзе галалёдзіца, ноччу і раніцай месцамі магчымы слабы галалёд.
Тэмпература паветра ноччу будзе вагацца ў межах ад –2 да +4°С, днём слупок тэрмометра паднімецца да +6°С.
У чацвер, 2 студзеня, на большай частцы тэрыторыі краіны і ў беларускай сталіцы зноў чакаецца ўзмацненне паўднёва-заходняга, заходняга ветру, парывы будуць дасягаць 15-20 м/с, а ноччу і раніцай месцамі – 21-24 м/с.
У гэты дзень на большай частцы тэрыторыі краіны пройдуць дождж і мокры снег. Тэмпература паветра ў начны час складзе 0.. +4°С, а ў днём – +1..+8°С.
З пятніцы, 3 студзеня, у Беларусі пахаладае: на тэрыторыю рэспублікі пачне паступаць арктычная паветраная маса, ноччу на большай частцы, днём месцамі пройдзе кароткачасовы снег, у асобных раёнах магчыма мяцеліца. Тэмпература паветра на працягу сутак складзе ад –5 да +2°С.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"