Лясныя пажары ў Каліфорніі не рэдкасць, яны здараюцца практычна штогод, аднак эканамічны ўрон ад гэтага пагражае стаць адным з самых значных – калі не самым. Кансультацыйная кампанія AccuWeather прагназіруе, што шкода і эканамічныя страты ад агню складуць ад $52 млрд да $57 млрд.
Маштабныя пажары прывялі да абрываў ліній электраперадач, што ў сваю чаргу выклікала адключэнні электраэнергіі, без святла па-ранейшаму застаюцца больш за 175 тыс спажыўцоў. Агонь дабраўся да дамоў знакамітасцей (знішчаны асабнякі акцёраў Энтані Хопкінса, Джона Гудмена, Білі Крыстала, коміка Юджэна Леві, дом актрысы Лейтан Містэр і яе мужа, акцёра Адама Броўдзі, пляжны домік Пэрыс Хілтан і іншыя), пагражае Галівудскаму бульвару і Алеі славы, з-за пажараў перанесена аб’ява намінантаў на "Оскар".
У інтэрнэце нават з’явіліся фота падпаленага знака Hollywood у Лос-Анджэлесе, аднак карыстальнікі сацсеткі X пішуць, што гэта фэйк, выява, якая разышлася, была згенерыравана штучным інтэлектам, а таксама публікуюць рэальныя фота, дзе агню няма і блізка.
Прэзідэнт ЗША Джо Байдэн абвясціў аб увядзенні рэжыму маштабнага стыхійнага бедства ў Каліфорніі (гэта дасць штату доступ да федэральных сродкаў для барацьбы са стыхіяй, аднаўлення і аказання дапамогі пацярпелым), а выбраны кіраўнік Белага дома Дональд Трамп абразліва выказаўся ў адрас губернатара Каліфорніі Гэвіна Ньюсама, што яму трэба сысці ў адстаўку.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"