МІНСК, 10 сту – Sputnik. Колькасць ахвяр лясных пажараў у штаце Каліфорнія павялічылася да васьмі, аб гэтым паведамляюць мясцовыя СМІ са спасылкай на ўлады.
Пажар узнік у раёне Палісейдс у пачатку бягучага тыдня і атрымаў назву Ітан. Агонь знішчыў або пашкодзіў больш за 10 тыс будынкаў, сярод якіх не толькі жылыя дамы, але таксама школы, бібліятэкі, цэрквы, сінагога, крамы, рэстараны, банкі.
З-за пажару дамоў пазбавіліся таксама многія зоркі Галівуду, у прыватнасці, Энтані Хопкінс, Адам Бролі, Лейтан Містэр і іншыя. Пад пагрозай таксама знаходзіцца нерухомасць шэрага іншых знакамітасцей, у тым ліку Стывена Спілберга, Джэймі Лі Керціс, Тэйлар Свіфт, Бэна Афлека і іншых.
Сітуацыя ўскладняецца моцным ветрам, які садзейнічаюць распаўсюджванню агню, а таксама перашкаджае рабоце авіяцыі, што тушыць агонь з паветра.
У агенцтве па кіраванні надзвычайнымі сітуацыямі (FEMA) паведамілі, што загады аб абавязковай эвакуацыі дзейнічаюць у адносінах да 360 тыс жыхароў.
Начальнік пажарнай службы акругі Лос-Анджэлес Энтані Маронэ заявіў, што адзін толькі буйны пажар Ітан-Файр знішчыў не менш за чатыры тысячы будынкаў. Лакалізацыя гэтага пажару па-ранейшаму нулявая.
Кіраўнік адміністрацыі акругі Кэтрын Баргер паведаміла, што па абвінавачанні ў марадзёрстве падчас пажараў ужо арыштаваны 20 чалавек.
Шэрыф акругі Роберт Луна аб’явіў, што для барацьбы з агнём запрасіў падтрымку нацыянальнай гвардыі штата Каліфорнія. Ён таксама мяркуе, што колькасць загінулых будзе расці.
Пажары ўжо названы аднымі з самых разбуральных у гісторыі акругі Лос-Анджэлес. У Каліфорніі ўведзены рэжым маштабнага бедства.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"