МІНСК, 15 сту – Sputnik. Кіеўскі рэжым услаўляе нацыстаў і іх паслугачоў, сказаў прэс-сакратар прэзідэнта Расіі Дзмітрый Пяскоў.
Журналісты папрасілі яго пракаменціраваць рашэнне ўлад Украіны аб эксгумацыі знакамітага савецкага разведчыка Кузняцова, пахаванага ў Львове.
"Так, гэта, на жаль, рэальнасць Украіны, рэальнасць кіеўскага рэжыму, дзе эксгумуюць астанкі герояў, усяляк праслаўляюць нацыстаў і іх прыслужнікаў", - адзначыў Пяскоў.
Паводле яго слоў, куратары кіеўскага рэжыму з краін Заходняй Еўропы ўвесь час заплюшчваюць вочы на падобныя факты.
Напярэдадні ўкраінскія СМІ паведамілі, што ўлады Львова прынялі рашэнне аб пераносе мемарыяльнага комплексу "Холм Славы". У комплексе знаходзіцца больш за 200 магіл расійскіх і савецкіх салдат, якія загінулі падчас Першай і Другой сусветных войнаў. З іх дзве магілы Герояў Савецкага Саюза – Мікалая Кузняцова і маёра Сцяпана Пуціна. Астанкі воінаў плануецца эксгумаваць і перапахаваць у іншым месцы – на Галаскоўскіх могілках.
Мікалай Кузняцоў быў супрацоўнікам органаў дзяржаўнай бяспекі, разведчыкам і партызанам. Ліквідаваў 11 генералаў і высокапастаўленых чыноўнікаў нацысцкай Германіі. Быў забіты 9 сакавіка 1944 года ўкраінскімі нацыяналістамі ў Львоўскай вобласці.
Астанкі Кузняцова былі знойдзены ў лесе непадалёк ад месца гібелі толькі ў 1959 годзе. У 1960-м ён быў пахаваны з вайсковымі ўшанаваннямі на "Холме Славы".
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"