МІНСК, 22 сту – Sputnik. Седан Belgee S50, створаны на базе Geely Emgrand New на заводзе Белджы, з’явіцца ў продажы на расійскім рынку ў гэтым годзе, паведаміў карэспандэнту Sputnik гендырэктар прадпрыемства Генадзь Свідзерскі.
"Так, сапраўды, гэта так. Мы працуем над гэтым і плануем, што ў першым паўгоддзі выканаем першыя пілотныя пастаўкі і потым ужо (наладзім) рэгулярныя пастаўкі – трэці-чацвёрты квартал", - сказаў ён.
Раней паведамлялася, што беларускія седаны S50, акрамя бензінавай версіі атрымаюць яшчэ і метанавую. Па словах Свідзерскага, цяпер завяршаецца работа з "Газпромом" па пераводзе аўтамабіляў на метан. Машыны на гэтым відзе паліва будуць вельмі запатрабаваны ў таксістаў, лічыць субяседнік.
"Групай кампаній "АТС" ("Альтернативные Топливные Системы", уваходзіць у структуру "Газпрома") праводзяцца выпрабаванні па атрыманні адабрэння тыпу транспартнага сродку на выкарыстанне метану ў якасці паліва", - дадаў гендырэктар БелДжы.
Седан айчыннай зборкі Geely Emgrand New быў прэзентаваны ў канцы лістапада 2022 года. У 2023-м на заводзе БелДжы была запушчана серыйная вытворчасць. У кастрычніку 2024-га мадэль перайшла пад крыло беларускага брэнда Belgee – гэта дазволіць у будучыні правесці паглыбленую лакалізацыю і ўнесці змены ў канструкцыю машыны.
У дадзены момант брэнд Belgee прадстаўлены ў Расіі двума мадэлямі – красовер X50 і X70. Як паведамлялася, у 2024 годзе ў суседняй краіне было рэалізавана 34 637 легкавых аўтамабіляў беларускай вытворчасці.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"