МІНСК, 24 сту – Sputnik. Цяперашнія выбары прэзідэнта праходзяць па законах, якія падтрыманы ўсім беларускім народам, заявіў журналістам старшыня Палаты прадстаўнікоў Ігар Сяргеенка падчас датэрміновага галасавання, адказваючы на пытанне карэспандэнта Sputnik.
Ён заклікаў не звяртаць увагу на паклёпніцкія выдумкі Захаду, заявы, ацэнкі, якія не адпавядаюць рэчаіснасці.
Сяргеенка такім чынам пракаменціраваў планы Парламенцкай асамблеі Савета Еўропы (ПАСЕ).
Гэтая арганізацыя ў першы дзень зімовай сесіі – 27 студзеня – разгледзіць запыт аб правядзенні "спешных дэбатаў" на тэму выбараў у Беларусі. Для гэтага ўпершыню на сесію ПАСЕ запрошаны прадстаўнікі беларускай апазіцыі. Пры гэтым на сайце Асамблеі адзначана, што гэтыя прадстаўнікі не маюць права голаса. Яны могуць выступаць на сесіі, калі ім дазволіць старшыня ПАСЕ. Прадстаўнікі беларускіх улад на гэтую сесію не запрошаны.
Сяргеенка таксама падкрэсліў, што выбары ў краіне праходзяць у цэлым арганізавана.
"Бываючы ў рэгіёнах, у прыватнасці, у Віцебскай вобласці, на розных участках, маючы зносіны з людзьмі, я бачу сённяшняе стаўленне да прэзідэнцкіх выбараў. Людзі ідуць галасаваць дружна, сем’ямі, усе галасуюць за сённяшнюю нашу сучаснасць і за будучыню, а будучыні без сучаснасці няма", - адзначыў Сяргеенка.
Старшыня Палаты прадстаўнікоў Ігар Сяргеенка
© Sputnik / Виктор Толочко
Датэрміновае галасаванне па выбарах прэзідэнта, у якім сёння прыняў удзел старшыня Палаты прадстаўнікоў, пачалося ў Беларусі 21 студзеня і працягнецца да 25 студзеня ўключна. Участкі прымаюць выбаршчыкаў з 12:00 да 19:00.
Грамадзяне, якія ўключаны ў спіскі выбаршчыкаў, могуць атрымаць бюлетэні, прад’явіўшы пашпарт. Дазваляецца выкарыстоўваць і іншыя віды дакументаў, якія сведчаць асобу. Напрыклад, гэта можа быць ваенны білет (калі выбаршчык – ваеннаслужачы тэрміновай службы), студэнцкі білет і гэтак далей. Поўны спісак – у інфаграфіцы Sputnik.
Асноўны дзень галасавання – 26 студзеня, выбарчыя ўчасткі будуць адкрыты з 8:00 да 20:00.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"