МІНСК, 26 сту – Sputnik. Прэзідэнт Беларусі Аляксандр Лукашэнка паведаміў, што асабіста дазволіў дапусціць бацьку Марыі Калеснікавай у калонію, дзе яна адбывае тэрмін за ўдзел у змове з мэтай захопу дзяржаўнай улады неканстытуцыйным шляхам.
Кіраўнік дзяржавы сёння прагаласаваў на выбарчым участку №1 у Мінску, пасля чаго правёў прэс-канферэнцыю з прадстаўнікамі беларускіх і замежных СМІ, перадае карэспандэнт Sputnik. Прэзідэнт у тым ліку адказаў на пытанне аб асуджанай Марыі Калеснікавай.
"У любой дзяржаве за парушэнне закона трэба несці адказнасць. Суровы закон, але ён закон. Гэта не я прыдумаў", - сказаў беларускі лідар, адказваючы на пытанне карэспандэнта BBC Стывена Розенберга.
Кіраўнік дзяржавы адзначыў, што калі Розенберг захоча наведаць калонію, то яму арганізуюць візіт і размову з Калеснікавай.
"Ты скажы, калі ты хочаш паехаць да Калеснікавай – арганізуем. Ты скажы, калі ты гэтага хочаш. Мы будзем думаць, як паступіць", - падкрэсліў беларускі лідар.
Прыгавор Калеснікавай
Прыгавор Марыі Калеснікавай быў вынесены Мінскім абласным судом 6 верасня 2021 года. Суд прызначыў ёй 11 гадоў пазбаўлення волі з адбываннем у папраўчай калоніі ва ўмовах агульнага рэжыму.
Калеснікава была прызнана вінаватай у змове, учыненай з мэтай захопу дзяржаўнай улады неканстытуцыйным шляхам, а таксама стварэнні і кіраўніцтве экстрэмісцкім фарміраваннем.
Акрамя таго, суд прызнаў яе вінаватай у публічных закліках да захопу дзяржаўнай улады, здзяйснення іншых дзеянняў, накіраваных на прычыненне шкоды нацыянальнай бяспецы Беларусі.
Таксама з прыгавору вынікала, што Калеснікава прызнана вінаватай у закліках, звернутых да замежнай дзяржавы, замежнай і міжнароднай арганізацыі, учыненых з выкарыстаннем сродкаў масавай інфармацыі і глабальнай камп’ютарнай сеткі Інтэрнэт.
Прамую трансляцыю прэс-канферэнцыі прэзідэнта Беларусі глядзіце на Sputnik.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"