МІНСК, 3 лют – Sputnik. Першы замежны візіт пасля перавыбрання прэзідэнт Беларусі Аляксандр Лукашэнка здзейсніць у Расію, паведаміў кіраўнік адміністрацыі беларускага лідара Дзмітрый Крутой.
У мінулую нядзелю, калі ў краіне праходзіў асноўны дзень галасавання на прэзідэнцкіх выбарах, Лукашэнка заявіў, што першым замежным візітам у выпадку яго перамогі будзе паездка ў Маскву для сустрэчы з расійскім лідарам Уладзімірам Пуціным.
Ён таксама звярнуў увагу, што нядаўна абмяркоўваў гэтую тэму з прэзідэнтам РФ. Падчас гэтага візіту плануецца правесці адпаведныя кантакты і перагаворы, дадаў Лукашэнка.
Крутой таксама пацвердзіў гэты візіт.
"Першы візіт прэзідэнт ужо сам анансаваў – гэта, безумоўна, Расійская Федэрацыя і яго перагаворы з прэзідэнтам Расіі", - сказаў кіраўнік адміністрацыі ў інтэрв’ю тэлеканалу "Беларусь 1".
Ён дадаў, што магчымы яшчэ шэраг спадарожных мерапрыемстваў, іх правядзенне зараз адпрацоўваецца.
Што да наведвання іншых дзяржаў, Крутой падкрэсліў, што гэта будуць дружалюбныя краіны. Разам з тым, паводле яго слоў, было атрымана шмат запрашэнняў, МЗС іх зараз аналізуе.
"Многіх лідараў (замежных дзяржаў - Sputnik) мы чакаем і ў Беларусі", - дадаў кіраўнік адміністрацыі беларускага лідара.
Ён таксама праінфармаваў, што сёлета міжнародны парадак дня ў Лукашэнкі будзе вельмі актыўным.
Акрамя гэтага, прэзідэнт Лукашэнка пачаў падрыхтоўку да Усебеларускага народнага сходу і традыцыйнага звароту да парламента і народа.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"