МІНСК, 6 лют – Sputnik. Прадстаўнікі міністэрстваў замежных спраў Беларусі і РФ абмеркавалі ход распрацоўкі Еўразійскай хартыі разнастайнасці і шматпалярнасці ў XXI стагоддзі і будаўніцтва еўразійскай бяспекі, паведаміла прэс-служба беларускага МЗС.
"Намеснік міністра замежных спраў Рэспублікі Беларусь Юрый Амбразевіч сустрэўся з дырэктарам дэпартамента знешнепалітычнага планавання МЗС Расіі Аляксеем Драбініным "на палях" кансультацый паміж МЗС Беларусі і МЗС РФ па тэмах распрацоўкі Еўразійскай хартыі разнастайнасці і шматпалярнасці ў ХХІ стагоддзі і будаўніцтва еўразійскай бяспекі".
Паводле інфармацыі МЗС, Амбразевіч адзначыў высокі ўзровень узаемадзеяння дзвюх краін у прасоўванні беларускай ініцыятывы, у прыватнасці, работу па распаўсюджванні ў еўразійскіх сталіцах дакумента "Сумеснае бачанне Еўразійскай хартыі разнастайнасці і шматпалярнасці ў XXI стагоддзі", які міністры замежных спраў Беларусі і РФ падпісалі ў Брэсце ў лістападзе 2024 года.
Паведамляецца, што падчас кансультацый бакі падвялі вынікі прасоўвання ідэі Еўразійскай хартыі, а таксама ўзгаднілі крокі па арганізацыі перагаворнага працэсу па яе распрацоўцы.
Дэлегацыі таксама абмеркавалі перспектывы правядзення ў беларускай сталіцы трэцяй Мінскай міжнароднай канферэнцыі па еўразійскай бяспецы.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"