МІНСК, 12 лют – Sputnik. Расіяне змогуць і далей паступаць у беларускія ВНУ на бюджэт на запатрабаваныя эканомікай спецыяльнасці, квота значных змяненняў не зведае, паведаміў начальнік галоўнага ўпраўлення прафесійнай адукацыі Мінадукацыі Беларусі Сяргей Пішчоў, перадае карэспандэнт Sputnik.
Паводле яго слоў, спецыялісты прааналізавалі вынікі ўступнай кампаніі мінулых гадоў на прадмет паступлення расійскіх грамадзян у ВНУ рэспублікі і прыйшлі да пэўнай высновы.
"Мяркую, што лічба значных змяненняў не зведае. Гэта будуць тыя ж запатрабаваныя спецыяльнасці (на якія могуць паступаць расіяне - Sputnik) для эканомікі нашай краіны і Расійскай Федэрацыі, і колькасць месцаў застанецца на ўзроўні мінулага года", - сказаў ён на прэс-канферэнцыі ў сераду.
У мінулым годзе для расіян, якія паступаюць па АДЭ, ВНУ Беларусі выдзелілі адну тысячу бюджэтных месцаў, аднак па гэтай траекторыі паступіла ўсяго каля 100 чалавек. Пішчоў нагадаў, што расійскія абітурыенты могуць паступаць у беларускія ўніверсітэты пры паспяховай здачы адзінага дзяржэкзамену (з вынікам не менш як 70%), таксама ёсць магчымасць паступлення па ЦТ, якое здаецца ў Беларусі.
Акрамя расіян, у Беларусь на бюджэт па ЦТ могуць паступаць усе грамадзяне краін СНД.
"У большай ступені такой магчымасцю карыстаюцца грамадзяне Расійскай Федэрацыі, напэўна, з улікам блізкасці нашых краін, з улікам тых адносін, якія сёння развіваюцца", - рэзюміраваў прадстаўнік Мінадукацыі.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"