МІНСК, 26 лют – Sputnik. Інвестары з РФ хутка пачнуць вытворчасць станкоў, а таксама зоймуцца механічнай апрацоўкай дэталей, паведамляе свабодная эканамічная зона (СЭЗ) "Мінск".
Гэтым праектам заняўся новы рэзідэнт СЭЗ – кампанія "Прэцызійныя машыны". Дагавор аб стварэнні вытворчасці падпісалі кіраўнік адміністрацыі СЭЗ "Мінск" Анатоль Бубен і дырэктар згаданай кампаніі Валянцін Паўлоўскі.
"Прадпрыемства размесціцца на тэрыторыі СЭЗ "Мінск" у раёне Фаніпаля. Пачатак вытворчай дзейнасці запланаваны на першы квартал 2025 года", - паведамляе СЭЗ.
Пры гэтым немалая доля прадукцыі будзе ісці на экспарт. Каля паловы выручкі, як чакаецца, будзе ад паставак за мяжу.
Кампанія, якая адкрывае новую вытворчасць, займаецца выпускам станкоў для апрацоўкі металаў з лічбавым праграмным кіраваннем такарнай і фрэзернай групы. Беларуская юрыдычная асоба была створана летам мінулага года.
Свабодная эканамічная зона, дзе размесцяць новую вытворчасць, мае ўчасткі не толькі каля Фаніпаля, але і ў іншых раёнах Мінскай вобласці, а таксама ў сталіцы.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"