МІНСК, 10 сак – Sputnik. Страты УСУ ў Курскай вобласці Расіі склалі больш за 66,2 тысячы вайскоўцаў, у тым ліку за мінулыя суткі больш за 340 чалавек, паведаміла міністэрства абароны Расіі ў панядзелак.
Масіраваная атака УСУ на Курскую вобласць пачалася 6 жніўня 2024 года. Цяпер на тэрыторыі рэгіёна дзейнічае рэжым НС федэральнага характару.
"Усяго за час баявых дзеянняў на Курскім кірунку праціўнік страціў больш за 66 270 вайскоўцаў", - гаворыцца ў паведамленні міністэрства абароны Расіі.
Акрамя гэтага, страты праціўніка з пачатку баявых дзеянняў у дадзеным рэгіёне Расіі склалі амаль 390 танкаў, каля 600 баявых машын пяхоты і БТР, больш за дзве тысячы баявых браніраваных машын, больш за 50 пускавых установак РСЗА, у ліку якіх амерыканскія HIMARS, іншая ваенная тэхніка.
У абаронным ведамстве адзначылі, што за мінулыя суткі расійскія ваенныя знішчылі 2 танкі, 7 баявых машын пяхоты, у тым ліку амерыканскі "Bradley", 5 бронетранспарцёраў, 10 браніраваных машын, іншую ваенную тэхніку, а таксама 6 пунктаў кіравання беспілотнікамі.
"Два вайскоўцы УСУ здаліся ў палон", - паведаміла Мінабароны Расіі.
У расійскім Мінабароны таксама падкрэслілі, што УС РФ "працягваюць разгром фарміраванняў УСУ на тэрыторыі Курскай вобласці".
Па стане на 10 сакавіка, падраздзяленнямі групоўкі войск "Поўнач" падчас наступлення вызвалены Косіца, Малая Локня і Чаркаскае Парэчнае, паведамілі ў Мінабароны.
Там адзначылі, што ў выніку наступальных дзеянняў расійскай арміі, было нанесена паражэнне двум дэсантна-штурмавым брыгадам праціўніка, двум штурмавым палкам УСУ, іншым фарміраванням праціўніка каля 15 населеных пунктаў Курскай вобласці. Акрамя гэтага, за мінулыя суткі былі адбіты тры контратакі праціўніка на тэрыторыі Курскай вобласці.
"Аперацыя па знішчэнні фарміраванняў УСУ працягваецца", - паведамілі ў Міністэрстве абароны Расіі.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"