МІНСК, 18 сак – Sputnik. Прэзідэнт Расіі Уладзімір Пуцін, які адначасова з’яўляецца і галоўнакамандуючым Узброенымі Сіламі РФ, аддаў загад не наносіць удары па энергетычных аб’ектах Украіны, аб гэтым паведаміла прэс-служба Крамля.
Расійскі лідар правёў у аўторак тэлефонную размову са сваім амерыканскім калегам Дональдам Трампам. Кіраўнікі дзяржаў размаўлялі каля дзвюх з паловай гадзін.
Адно з пытанняў, якое абмяркоўвалася падчас тэлефоннай размовы, была прапанова Трампа аб узаемнай адмове ад удараў па аб’ектах энергетычнай інфраструктуры на 30 дзён.
"Уладзімір Пуцін станоўча адгукнуўся на гэтую ініцыятыву і адразу даў расійскім вайскоўцам адпаведную каманду", - удакладнілі ў прэс-службе.
Папярэдняя размова Уладзіміра Пуціна і Дональда Трампа адбылася ў лютым. Як адзначыў прэс-сакратар расійскага лідара, прэзідэнты абмеркавалі міжнародную сітуацыю, у тым ліку ўкраінскі канфлікт, а таксама двухбаковыя адносіны. Кіраўнікі дзяржаў абмяняліся запрашэннямі і дамовіліся аператыўна ўзгадніць і правесці рабочую сустрэчу ў трэцяй краіне.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"